سنتى الوطن بكام
رشة اسبراى
على وشوش الحيطان
معادلهاش معنى
متر الوطن بكام
ازعق بعلو الصوت
ألا أونا
ألا ديه
ألا تريه
يا مستثمرين
المزاد شطب
البياعين جبروا
الباقى من الوطن
أقل من القليل
بنضيع من غير تمن
فى جيوب المستحيل
فى كروش المرتاحين
رشة اسبراى
على وشوش الحيطان
على قلوب الغلابة
المطحونين
على جبين الوطن
رشة اسبراى
مخنوقة بين حرفين
سنتى الوطن بكام
مرسلة بواسطة جمال الدولي في
12:12 ص
11 تعليقات:
يارب موتنا قبل ما يبقى الوطن بينباع بالمللى مترر
اهلا بك بلوجريا ثانيةً
وممكن يا سيدى
الوطن ينباع بالفيمتو مللى
جميله وكلها وجع
وفيها شخصية جمال الدولى وسيرته المعجونه بحب البلد لا معدتش كفايه رش الاسبريه على الحيطان
كمل
جميلة فيها حب للوطن جميل اوى
و وجع عليه
و احلى حته رشة اسبراى على الحيطان
كراكيب
اجمل زيارة
واجمل شخصية زارتنى برجاء دوام التواصل
شيماء
شكراً
بحب فيكم
شكل الوطن
عزيزي جمال
خلاص مش بالسنتي ده بال.......
مش لاقي وحده قياس اصغر من الفيمتو
محمد مفيد
محمد مفيد
أهلا بك
هم الجماعة دول
عملوا براءة اختراع
فى كيفية بيع الأوطان وعنها
خدوا نوبل
رائع ان تتحدث بهذا الأسلوب الساخر
وأن تستخدم شخصية بهذا الزخم
انتظر منك الكثير
هذه المدونة من الذ المدونات
فيكفيها انها تقطر سخرية ممتزجة
بحب الوطن والرغبة فى التغيير
لكن يعيبها الكسل
ننتظر الكثير
يا جيمى
حسبى الله ونعم الوكيل ... انا عملت السنة اللى فاتت بحث عن خصخصة عمر أفندى ، من خلال البحث عرفت ايه هو عمر أفندى اللى يعتبر جزء مهم جدا من مصر ( مبانى - جراجات - مساحات - عمال - وأهم من ده كله مواقعه اللى تعتبر فى قلب مصر)ثروة هائلة جدا تقريبا تقدر ب4مليار، لحد السنة اللى فاتت ماكنش إتباع بس السنة دى عرفت إنه إتباع خلاص زى ما كل شئ إتباع او هيتباع لسة
خايقة يجى علينا يوم يبيعوا فيه المواطن المصرى فى مازاد علنى
حسبى الله ونعم الوكيل
إرسال تعليق
الاشتراك في تعليقات الرسالة [Atom]
<< الصفحة الرئيسية